إنسايدر بالعربي يكشف جديد عمرو واكد
صرح الفنان المصري عمرو واكد لفريق الانسايدر بالعربي على هامش مشاركته في مهرجان مسقط الدولي للسينما عن أسباب غيابه عن الموسم الرمضاني، وقال واكد لمراسل الانسايدر : " بيني وبينك، بصراحة وبكل أمانة زهقت من الـ 30 حلقة".
وأضاف واكد بأنه ا يحاول أن يكون انتقائياً ب في أي عمل يقدم له :" كم زيادة على المبدعين أنه همه يروحو يبدعوا في 20 ساعة ده كثير، ورا بعض ويبقى مركز فيهم، يعني الموضوع محتاج راحة، ده بالنسبة لي يتطلب مجهود كبير بيتعبني وبالتالي أول ما نخلص بقول الحمدلله، توبة مش هعمل كده تاني، وأرجع بعد سنتين أو ثلاثة أخد مسلسل ثاني".
يذكر أن واكد قدم قبل حوالي أربعة سنوات مسلسل "أهل اسكندرية" الذي لم يعرض حتى الآن لأسباب غير معروفة. لكنه أطل العام الماضي بمسلسل "الحرباية"، وعن دوره فيه قال واكد: " أنا سعيد اني عملت نوع الشخصية دي، شخصية الفنان المهووس فنوع الشخصية هو اللي شدني".
واعتبر واكد أن المسلسلات الرمضانية فيها إطالة مملة، وقال : "طبعاً، ده كمين لكل مبدعي التلفزيون، تعمل 30 حلقة ازاي؟ حتضطر تحط لحظات صامتة وتستنى الجرس يضرب والراجل يقدم من الكرسي ويروح يفتح الباب، وبعد كده الراجل اللي جاي يروح يستنى لغاية لما يروح من الباب، يوصل يقعد على الكرسي ويقلك تشرب ايه كل ده ملوش أي معنى بالدراما".
ولهذا السبب يفضل واكد السينما أكثر، وقد شارك بالفعل بمجموعة من الأفلام العالمية كان أبرزها فيلم "لوسي"، و "عاصفة جيولوجية".
ويحضر واكد الآن لفيلم عالمي قادم ولكنه رفض الافصاح عن تفاصيل العمل.
